இமயம்

இமையம் (பிறப்பு மார்ச் 10, 1964) என்ற புனைபெயரில் எழுதும் வெ. அண்ணாமலை, கடலூர் மாவட்டம், திட்டக்குடி வட்டம், கழுதூரில் பிறந்தவர்.

சாகித்திய அகாதமி விருது பெற்ற இவர், தனது முதல் நாவலான கோவேறு கழுதைகள் முதல் இன்று வரையிலான படைப்புகளில், வெவ்வேறு கதாபாத்திரங்கள், கருப்பொருள்கள், சூழல்களின் ஊடாக மனித வாழ்வைத் தனக்கே உரித்தான யதார்த்த அழகியலுடன் பதிவு செய்து வருகிறார்.

தமிழ்ச் சமூகத்தில் நிலவும் மனிதநேயமற்ற வேறுபாடுகளையும், அதனால் மனிதர்கள் சந்திக்கும் இன்னல்களையும் மனிதத்தன்மையுடன் கவனப்படுத்துகிறது இவரது எழுத்துலகம்.

திராவிட இயக்கத்துடனும் அதன் அரசியலுடனும் நெருக்கமாகத் தொடர்புடைய இவர், தென்னிந்தியாவின் முன்னணி எழுத்தாளர்களுள் ஒருவராகக் கருதப்படுகிறார்.

இவரது படைப்புகள் ஆங்கிலம், பிரெஞ்சு, ஜெர்மன், அர்மேனியம் உள்ளிட்ட பல உலக மொழிகளிலும், மலையாளம், கன்னடம், தெலுங்கு, ஒடியா உள்ளிட்ட பல இந்திய மொழிகளிலும் மொழிபெயர்க்கப்பட்டுள்ளன.

தற்போது தமிழக அரசின் SC/ST ஆணையத்தின் தலைவராக (பொறுப்பு) பணியாற்றி வருகிறார்.